KʼEJOJ 139
Jun kʼupil sba achʼ balumil
1. ¡Teun xa chkil! ¡Teot xa chkil!,
kuxulutik xa ta achʼ balumil.
Ta xakʼbutik muyubajel
mi laj skʼoplal skotol vokolil.
Muʼyuk kʼusi chakʼ vul oʼnton,
muʼyuk okʼel, muʼyuk buchʼu chcham.
Tstupʼbe skʼoplal Dios kʼusitik chakʼ vokol,
jech jun koʼntontik
xijkʼejin ta stojolal:
(ESTRIVIYO)
«Chkalbot kolaval, Jeova mukʼul Dios,
kʼot ta pasel kʼusitik avaloj.
Jaʼ jech kʼot ta pasel koliyal Anichʼon.
Mu xlaj jtojbot-o ta vokol, Kajval Jeova».
2. ¡Liʼ xa oyun! ¡Liʼ xa oyot!
Nichimaltik xa li balumile.
Laj xa skʼoplal li choplejal,
muʼyuk kʼusi xa ta jxiʼtatik.
Kʼot ta pasel kʼusi yaloj,
pas xa ta achʼ skotol kʼusitik.
Poʼot xchaʼkuxi buchʼutik chamemik,
vaʼun jmoj tsobol
chijkʼejin ta yeloval:
(ESTRIVIYO)
«Chkalbot kolaval, Jeova mukʼul Dios,
kʼot ta pasel kʼusitik avaloj.
Jaʼ jech kʼot ta pasel koliyal Anichʼon.
Mu xlaj jtojbot-o ta vokol, Kajval Jeova».
(Kʼelo xtok Sal. 37:10, 11; Is. 65:17; Juan 5:28; 2 Ped. 3:13).