Li Jeovae laj yal ti tstsob tal li steklumale | Laj yichʼ alel ti chchaʼta yav li melel yichʼel ta mukʼ Diose

Solel tsots chil svokol li j-israeletike, xchʼakoj sbaik ta skoj li jvalopatinej mantaletike. Yakal chil svokolik ta skoj li kʼusitik tspasike, sokesojik li melel yichʼel ta mukʼ Diose xchiʼuk spʼajojbeik li sbi Diose. Kʼalal jaʼo jech yakal tsnuptan li jteklume, li Jeovae laj yalbe Esekiel ti akʼo yal junantik albil kʼopetik ti tspat oʼontonale. Li Jeovae oy kʼusitik labalik sba laj yakʼ ta ilel sventa stsatsubtas li j-israeletik ti chukbil batike, pe maʼuk noʼox, yuʼun chpatbat yoʼontonik ek li buchʼutik oy ta yoʼontonik ti chchaʼta yav li melel yichʼel ta mukʼ Diose.