Sventa li buchʼutik chkʼotike

TSOBAJELETIK TI TSOTSIK SKʼOPLALE

ABTELAL TA BETEL. Li jcholmantaletik ti yichʼojik xa voʼ ti 19 kʼalal to ta 35 sjabilalik ti oy ta yoʼontonik chtunik ta Betele, xuʼ xbatik li ta tsobajel ti chichʼ pasel li ta viernes ta mal kʼakʼale. Chichʼ alel ta plataforma li yorail xchiʼuk li bu chjelave.

CHANOB VUN SVENTA J-AL LEKIL AʼYEJETIK YUʼUN AJVALILAL YUʼUN DIOS. Li prekursoretik ti oy ta yoʼonton tskʼan chepajes li yabtelik ta cholmantale xchiʼuk ti tskʼan chbatik li ta chanob vun liʼe, takbilik ta ikʼel ta jun tsobajel ti chichʼ pasel li ta domingo ta mal kʼakʼale. Xuʼ xkʼotik li buchʼutik yichʼojik xa 23 kʼalal to ta 65 sjabilalike. Chichʼ alel ta plataforma li yorail xchiʼuk li bu chjelave.

SVENTA LI BUCHʼUTIK CHKʼOTIKE

DEPARTAMENTO SVENTA BUCHʼUTIK CH-IPAJIK TA ANIL. Li departamento liʼe jaʼ noʼox me sventa MI OY KʼUSI KʼOT TA PASEL TA ANILE.

ICHʼVOʼ. Chichʼ chʼakel li chotlebaletik ta yeloval plataformae, taje jaʼ sventa te chchotiik li buchʼutik chichʼik voʼe. Jaʼ yuʼun skʼan xa noʼox te chotolik kʼalal mi lik li mantal ta sob savadoe. Jech xtok, skʼan xichʼik batel stoayaik xchiʼuk skʼuʼik sventa ichʼvoʼ ti lek noʼox ta kʼelele.

JCHOLVANEJETIK. Li jcholvanejetike jaʼ sventa xuʼ skoltaikot, jaʼ yuʼun chʼuno li kʼusi chalboxuk ta sventa li bu chichʼ kotanel li karoe, kʼalal chijxanav ta yutil salone, li smakel chotlebaletik xchiʼuk li yan kʼusitike.

LI BUCHʼUTIK TSKʼAN CHKOLTAVANIKE. Mi chakʼan chakoltavan ta jtosuk abtelal li ta asambleae, xuʼ xabat li ta Departamento de Información y Servicio Voluntario.

LI KʼUSITIK CHʼAYEME. Mi oy kʼusi la ata ti chʼayeme, xuʼ xbat avakʼ li ta Departamento de Objetos Perdidos. Pe mi jaʼ oy kʼusi chʼay avuʼune xuʼ xbat akʼel li ta departamento taje. Jech xtok, xuʼ te xichʼ ikʼel batel li ololetik ti chʼayemike, pe maʼuk me skʼan xal ti jaʼ xa te chchabiik li ololetike. Jaʼ yuʼun avokolikuk teuk me asatik li ta avalab anichʼnabik ta skotol orae.

MATANAL TAKʼIN. Ep takʼin chlaj sventa oyuk ep chotlebaletik, ti oyuk lek sonido, video xchiʼuk yan kʼusitik ti chtun sventa jkʼupintik li asambleae xchiʼuk ti xijnopaj mas ta stojolal Jeovae. Kʼalal chavakʼik li matanal takʼine, jaʼ chkoltavan sventa xichʼ tojel li kʼusitik taje xchiʼuk jech chijkoltavan sventa li abtelal ta spʼejel balumile. Jech oxal, akʼbil kajaetik li ta sjunul salon sventa asambleae. Ta jtojkutik tajek ta vokol li matanal takʼin chavakʼike. Li Jtsop Jbeiltasvaneje tskʼan tstojboxuk ta vokol ti chavakʼik li matanal takʼine, yuʼun jaʼ chkoltavan ta spasel li kʼusitik sventa Ajvalil yuʼun Diose.

SMAKEL CHOTLEBALETIK. Ta jkʼanbotkutik jun mukʼta vokol, tsako me ta venta li yantike. Vuleso ta ajol ti jaʼ noʼox xuʼ xa makbe xchotleb li buchʼutik jmoj akaroalike, li avutsʼ avalale o li buchʼu chavakʼbe chanubtasel ta Vivliae. Mu me xavikta kʼusitik ta chotlebal mi muʼyuk buchʼu chchoti tee.