Jamaluk ta aʼiel li kʼusi chavale

1 Korintios 14:9

KʼUSI SMAKOJBE SKʼOPLAL: Koltao li buchʼutik chaʼibot sventa xaʼibeik smelolal li kʼusi chavale.

KʼUXI TA PASEL:

• Aʼibo lek smelolal li mantale. Skʼan xavaʼibe lek smelolal li kʼusi yakal chachapan sventa lek kʼun ta aʼiel kʼalal chavalbe smelolale xchiʼuk ti ta akʼopuk atuk xavale.

• Mu toj epuk li kʼusi chavale xchiʼuk kʼunuk ta aʼiel. Muʼyuk chopol kʼalal ep kʼusi chkaltike, pe jaʼ mas lek mi juteb noʼox kʼalal jaʼ chkalbetik skʼoplal li kʼusi mas tsotsik skʼoplale.

• Albo smelolal li kʼusi muʼyuk mas ojtikinbile. Mu me masuk xaval xchiʼuk albo lek smelolal mi laj aval li kʼusi muʼyuk mas ojtikinbile, li krixchanoetik ti chal ta Vivliae, ti kʼu toʼox yelan tspʼisik li kʼusitik ta voʼnee xchiʼuk li kʼusi nopem toʼox xaʼiik spasel ti mu xojtikinik li buchʼutik chchikintabote.