Oyuk slekil avoʼonton

¿Kʼuxi laj yakʼ ta ilel li Jesuse?

VIDEO: Li Jesuse tskolta jun maʼsat

1. Kʼelo li VIDEOE o kʼelo Juan 9:1 kʼalal ta 7. Laje, nopbo skʼoplal liʼe:

1. ¿Kʼusi la spas avil li Jesuse: mi baʼyel la skolta li maʼsate o mi baʼyel la xcholbe mantal? (Kʼelo Juan 9:​35-38).

2. ¿Kʼu yuʼun ta sjunul yoʼonton la xchikintabe Jesus li vinike?

¿Kʼusi chakʼ jchantik li kʼusi la spas Jesuse?

2. Li buchʼu ta jchiʼintik ta loʼile xuʼ van mas oy ta yoʼonton chchikintabutik mi chil ti oy ta koʼontontike.

Paso li kʼusi la spas Jesuse

3. Akʼo ta ilel ti kʼux ta avoʼontone. Akʼo persa yaʼibel smelolal ti kʼu yelan chaʼi sbae.

1. Xiuk xajakʼbe abae: «¿Mi oy van kʼusi tsvul-o yoʼonton? ¿Kʼusi van xuʼ jloʼiltabe sventa jtuneluk yuʼune?». Mi jech la apas taje, chavakʼbe ta ilel slekil avoʼonton xchiʼuk ti kʼux chavaʼi li svokole.

2. Tsʼet chikintao li kʼusi chalbot sventa xavakʼ ta ilel ti oy ta avoʼontone. Mi lik yalbot ti kʼu yelan chaʼi sbae o li svokol tsnuptane, mu xajelbe li sloʼile.

4. Ichʼvanan ta mukʼ xchiʼuk oyuk slekil avoʼonton. Kʼalal oy buchʼu kʼux ta koʼontontik xchiʼuk ta jkʼan ta jkoltatike, xvinaj ta jkʼopojeltik. Jaʼ yuʼun, baʼyel nopo lek li kʼusi chavale xchiʼuk ti kʼu yelan chavale. Mu me xaval li kʼusi xuʼ chopol-o xaʼi sbae.

5. Albo ti chakʼan chakoltae. Mi sta-o chavile, koltao li buchʼu chachiʼin ta loʼile. Mi laj avakʼ ta ilel slekil avoʼontone, xuʼ me mas x-ayan ta yoʼonton chchikinta li kʼusi chavale.