KʼUXI XUʼ XALIKES ALOʼIL
XCHANOBIL 6
Tsotsuk avoʼonton
Beiltasel ta Vivlia: «La jta stsatsal koʼontonkutik ta stojolal Jdioskutik sventa xkalbotkutik avaʼiik li lekil [aʼyejetike]» (1 Tes. 2:2).
¿Kʼuxi laj yakʼ ta ilel li Jesuse?
1. Kʼelo li VIDEOE o kʼelo Lukas 19:1 kʼalal ta 7. Laje, nopbo skʼoplal liʼe:
¿Kʼu van yuʼun oy buchʼutik ti mu skʼan xchiʼinik ta loʼil li Sakeoe?
Pe ¿kʼusi tijbat-o yoʼonton Jesus yoʼ xcholbe mantal li Sakeoe?
¿Kʼusi chakʼ jchantik li kʼusi la spas Jesuse?
2. Skʼan oyuk stsatsal koʼontontik sventa mu tʼujbiluk buchʼu jcholbetik mantal.
Paso li kʼusi la spas Jesuse
3. Pato avoʼonton ta stojolal Jeova. Li Jesuse jaʼ koltaat yuʼun xchʼul espiritu Dios sventa tsotsuk yoʼonton xchol mantal. Jaʼ jech xuʼ skoltaot ek (Mat. 10:19, 20; Luk. 4:18). Albo Jeova ti xakʼbot stsatsal avoʼontone, ti skoltaot sventa xacholbe mantal li buchʼutik chaxiʼo yuʼune (Ech. 4:29).
4. Mu chopoluk kʼusi xanop. Bakʼintike, vokol chkaʼitik xchiʼinel ta loʼil junantik krixchanoetik ta skoj ti kʼu yelan xvinaj spat xokonike, ti jkʼulejike, ti kʼu yelan xkuxlejalike o ta skoj srelijionik. Pe teuk ta ajol liʼe:
Li Jeova xchiʼuk Jesuse xilik li kʼusi oy ta yoʼontonike, li voʼotike mu xkiltik.
Chkʼuxubin skotol krixchanoetik li Jeovae.
5. Tsotsuk avoʼonton, pe ichʼo apʼijil xtok (Mat. 10:16). Ichʼvanan ta mukʼ xchiʼuk mu xa-ilin. Mi oy kʼusi xibal sba xuʼ xanuptan chavile o mi mu skʼan xchikintaik mantale, ta slekiluk avoʼonton xatuchʼ komel li aloʼile (Prov. 17:14).