Jamal xakʼopoj

¿Kʼuxi laj yakʼ ta ilel li Jesuse?

VIDEO: Li Jesuse tstojobtas jun jkʼulej ajvalil

1. Kʼelo li VIDEOE o kʼelo Markos 10:17 kʼalal ta 22. Laje, nopbo skʼoplal liʼe:

1. Li Jesuse, ¿kʼusi slekil talelal laj yilbe li kerem ajvalile?

2. ¿Kʼu yuʼun chkaltik ti laj yakʼ ta ilel kʼanelal xchiʼuk ti jamal snaʼ xkʼopoj Jesus kʼalal la stojobtas li kerem ajvalile?

¿Kʼusi chakʼ jchantik li kʼusi la spas Jesuse?

2. Skʼan xkakʼbetik yil kaj-estudiotik ti jkʼanojtike, pe skʼan jamaluk xkalbetik xtok ti kʼusi skʼan spas sventa xchʼi-o batel ta mantale.

Paso li kʼusi la spas Jesuse

3. Tijbo yoʼonton avaj-estudio sventa oyuk kʼusi sta ta mantal xchiʼuk koltao.

1. Li ta jujun xchanobil li ta livro Kʼupino akuxlejale tuneso li rekuadro ti bu chal «Paso li’e».

2. Akʼbo yil avaj-estudio kʼusi skʼan spas sventa sta li kʼusitik oy ta yoʼonton ta mantale.

3. Nopolikuk noʼox xakʼupil kʼopta avaj-estudio ta skoj li kʼusi yakal tspas ta mantale.

4. Akʼo venta kʼusi chmakat-o avaj-estudio ti mu xchʼi ta mantale, vaʼun koltao.

1. Nopbo skʼoplal liʼe:

   • «¿Kʼusi van chmakat-o chaʼi kaj-estudio sventa mu xichʼ voʼe?».

   • «¿Kʼuxi xuʼ jkolta?».

2. Albo Jeova ti akʼo yakʼ stsatsal avoʼonton sventa jamaluk xavalbe avaj-estudio li kʼusi skʼan spas sventa xchʼi-o batel ta mantale, pe ti ta slekiluk avoʼonton xavalbe xtoke.

5. Iktao xchanubtasel avaj-estudio mi mu xchʼi ta mantale.

1. Sventa xanaʼ mi skʼan xachanubtas-oe, nopbo skʼoplal liʼe:

   • «¿Mi chakʼ ta xkuxlejal li kʼusi yakal chchane?».

   • «¿Mi chkʼotilan xa ta tsobajeletik xchiʼuk mi chalbe yantik li kʼusi chchan ta Vivliae?».

   • «Mi oy xa kʼuk sjalil yakal chichʼ estudioe, ¿mi oy xa ta yoʼonton ti xkʼot ta stestigo Jeovae?».

2. Mi laj avil ti muʼyuk yakal chchʼi ta mantal li avaj-estudioe, paso liʼe:

   • Koltao sventa xakʼ venta kʼusi chmakat.

   • Ta slekiluk avoʼonton xavalbe ti kʼu yuʼun muʼyuk xa chavakʼbe estudioe.

   • Jamal xavalbe kʼusi skʼan sjel ta xkuxlejal mi tskʼan chichʼ estudio yan veltae.