Sventa kerem-tsebetik
Kʼuxi xuʼ xa ta avamigotak ta melel
Kʼuyelan xuʼ xa pas: Saʼo bu lek tsʼijil noʼox sventa mu kʼusi xchʼay avoʼonton ta skʼelel li tekstoetike. Akʼbo yipal skʼelel kʼusi tspasik li buchʼutik te chichʼ albel skʼoplale, aʼyo li yechʼomal yeike xchiʼuk li kʼusitik chaʼiike, xchiʼuk kuxuluk xa yileluk ta anopben.
Buchʼutik chichʼ albel skʼoplal: Jonatán, David xchiʼuk Saúl.
Kʼusi kʼot ta pasel: Kʼalal la smil Goliat li Davide, laj yamigoin sbaik tajek xchiʼuk li Jonatane.
➊ CHANBO SKʼOPLAL LI LOʼILE (KʼELO 1 SAMUEL 17:57–18:11; 19:1; 20:1-17, 41, 42).
¿Kʼu toʼox van yelan xvinaj xa naʼ li Saule? Albo skʼoplal kʼuyelan li spat xokone. (Te chalbot jutuk ta 1 Samuel 10:20-23.)
_______
Li Davide chex kerem toʼox van kʼalal laj yojtikin li Jonatane. ¿Kʼu toʼox van yelan xa naʼ? (Te chalbot jutuk ta 1 Samuel 16:12, 13.)
_______
Li loʼil ta slajeb kapitulo 20, chal ti la xchʼak sbaik li Jonatán xchiʼuk Davide. ¿Kʼu yelan chaʼi sbaik li ta yechʼomal yeik chavaʼie?
_______
➋ SABO TO JUTUK SMELOLAL.
Li ta 1 Samuel 18:1 chal ti «Jonatane lic spas ta coʼol yoʼnton xchiʼuc li Davide». ¿Kʼusitik stalelal David ti kʼupilik sba laj yil li Jonatane? (Te chalbot jutuk ta 1 Samuel 17:45, 46.)
_______
Li Jonatane te van 30 jabil mas bankilal kʼuchaʼal Davide. ¿Kʼu yuʼun xa naʼ ti laj yamigoin tajek sbaike, akʼo mi mu koʼoluk li sjabilalike?
_______
Tana ti laj xaʼox akʼel li kʼupil sba loʼil liʼe, ¿kʼusi skʼan jpastik xa naʼ sventa jtatik melel kamigotaktike? (Te chalbot jutuk ta Proverbios 17:17; 18:24.)
_______
¿Kʼu yuʼun tukʼ laj yakʼ sba ta stojolal David li Jonatane xchiʼuk kʼu yuʼun la skolta, ti mu jechuk la spas ta stojolal li stote?
_______
➌ TABO SBALIL LI MANTALE. TSAKO TA VUN LI KʼUSI LA ACHAN TA SVENTA...
... ti kʼuyelan skʼan jkʼuxubintik li kamigotaktike.
_______
... ti tsots skʼoplal ti tukʼ xkakʼ jbatik ta jujuntale.
_______
... ti xkamigointik li buchʼutik mas xa oy sjabilalike.
_______
... ti kʼusi xuʼ xa pas yoʼ xa ta avamigotak ta melele.
_______
➍ ¿KʼUSI TI LEK KʼUPIL LA AVAʼI LI TA LOʼIL LIʼE? ¿KʼU YUʼUN?
_______
¿MI MUʼYUK AVIVLIA? KʼANBO LI YAJREXTIKOTAK JEOVAE O KʼELO TA www.watchtower.org