KʼUSITIK CHICHʼ JAKʼEL TA SVENTA VIVLIA

¿Mi la xchaʼkuxes ta melel animaetik li Jesuse?

Li Vivliae jamal chal ti la xchaʼkuxes animaetik li Jesuse. Taje maʼuk jecheʼ loʼil, yuʼun jamal chal butik kʼot ta pasel xchiʼuk nabil kʼusi ora. Jech kʼuchaʼal liʼe, li ta oʼloltik batel sjabilal 31, epal krixchanoetik likik batel ta Capernaum xchiʼuk Jesús sventa chbatik ta Naín. Kʼalal kʼotike te la staik yan epal krixchanoetik. Xuʼ jpat koʼontontik ti kʼot ta pasel li chaʼkuxesele yuʼun te tsʼibabil komel ta Vivlia xchiʼuk epal krixchanoetik laj yilik ti jech kʼot ta pasele. (Kʼelo Lucas 7:11-15.)

Li Jesús xtoke la xchaʼkuxes yamigo ti Lázaro sbi ti chanib xaʼox kʼakʼal slajele. Xuʼ jchʼuntik li kʼusi la spas li vaʼ kʼakʼale yuʼun te skʼeloj epal krixchanoetik xtok. (Kʼelo Juan 11:39-45.)

¿Kʼu yuʼun la xchaʼkuxes animaetik li Jesuse?

Li Jesuse la xchaʼkuxes animaetik ta skoj ti oy xkʼuxul yoʼontone. Jech xtok, jaʼ sventa chakʼ ta ilel ti akʼbil sjuʼel ta sventa lajelal yuʼun li Stote, ti jaʼ li J-akʼ kuxlejale. (Kʼelo Juan 5:21, 28, 29)

Li chaʼkuxeseletik la spas Jesuse tspat koʼontontik ta sventa li kʼusi yaloj tspas ta jelavele. Ta xchaʼkuxes epal animaetik ti te tsakal skʼoplal li buchʼutik chopolike, jaʼ xkaltik, li buchʼutik muʼyuk laj yojtikinik jsetʼuk li melel Diose. Vaʼun xuʼ me xojtikinik xchiʼuk skʼanik li Jeova Diose. (Kʼelo Hechos 24:15.)

Mi chakʼanbe to mas yaʼyejale kʼelo li kapitulo 7 ta livro liʼe, ¿Kʼusi chchanubtasvan ta melel li Vivliae?, ti pasbil yuʼun stestigotak Jeovae

Xuʼ xayales ta www.jw.org/tzo

[Lokʼol ta pajina 16]

Li Jesuse la xchaʼkuxes yamigo ti Lázaro sbi ti chanib xaʼox kʼakʼal slajele