MANTAL TA SLIKEBALTIK PAJINA: ¿KʼU YUʼUN SKʼAN SPOJUTIK LI JESUSE?

Ta jvules ta joltik li slajel Jesuse ¿Kʼusi ora xchiʼuk bu ch-echʼ?

Kʼalal jun xa ox akʼobal skʼan xcham li Jesuse, laj yalbe yajtsʼaklomtak ti akʼo mu xchʼay ta sjolik ti poʼot xa chakʼ sba ta matanal ta stojolalike. Xi laj yalbee: «Jech me xapasilanic, yuʼun jech chanaʼilanicun o» (Lucas 22:19).

Li jabil liʼe, ta viernes 3 yuʼun avril chichʼ pasel li Snaʼobil slajel Cristoe kʼalal chʼayem xaʼox batel li kʼakʼale. Li stestigotak Jeovae tstakot ta ikʼel xchiʼuk avutsʼ avalal sventa xbat achiʼinunkutik ta yaʼiel jun mantal ti bu chalbe smelolal kʼu yuʼun tsots skʼoplal li slajel Jesuse xchiʼuk kʼusi sbalil ta jtabetik.

Sventa xanaʼ bu jotukal ta x-echʼ xchiʼuk jayib ora ta x-echʼ li mantal taje, jakʼbo li stestigotak Jeova yoʼ bu nakalote o kʼelo ta Internet ta jw.org/tzo.