Li sbi Diose (ti te bonbilike) li ta voʼneal tsʼibetike.
¿Kʼusi chal li Vivliae?
¿Mi oy sbi li Diose?
JLOM KRIXCHANOETIKE TSNOPIK ti chʼabal sbie, yantike chalik Dios o Kajvaltik, xchiʼuk li yantik xtoke chalik ti toj ep sbie. ¿Kʼusi chanop li voʼote?
LI KʼUSI CHAL LI VIVLIAE
«Xata-o albel amukʼulal, ichʼel ta mukʼ xchiʼuk oy ajuʼel Jeova Dios kuʼunkutik, yuʼun voʼot la apas skotol li kʼusitike, oy skotol xchiʼuk laj yichʼ pasel skotol ta skoj ti jech la skʼan avoʼontone» (Apokalipsis 4:11).
¿KʼUSI TO MAS CHAL LI VIVLIAE?
Akʼo mi ep ta tos ti kʼu yelan chichʼ biiltasel li Diose, jun noʼox li sbi yakʼojbe sbae (Éxodo 3:15).
Li Diose maʼuk ti mu stakʼ ojtikinele, yuʼun li stuke tskʼan ti akʼo xkojtikintike (Echos 17:27).
Sventa lekuk xkil jbatik xchiʼuk li Diose skʼan jnabetik baʼyel li sbie (Santiago 4:8).
¿Mi chopol van ti chichʼ alel li sbi Diose?
¿MI TA VAN XAVAL?
Tana
Moʼoj
Yikʼaluk van
LI KʼUSI CHAL LI VIVLIAE
«Mu me xavixtanbicun jbi, vuʼun li Mucʼul Diosun [«Jeova», TNM] avuʼunique» (Éxodo 20:7). Jaʼ noʼox me chopol mi muʼyuk lek ta jtunesbetik sbi li Diose (Jeremías 29:9).
¿KʼUSI TO MAS CHAL LI VIVLIAE?
Li Jesuse snaʼojbe kʼusi sbi li Diose xchiʼuk la stunesbe (Juan 17:25, 26).
Li Diose chalbutik ti akʼo jkʼopontik ta sbie (Salmo 105:1).
Li yajkontratak Diose chchʼaybe yaʼi ta sjol krixchanoetik li sbi Diose (Jeremías 23:27).