Skotol li krixchanoetike «jun noʼox yoʼnton te oyic o» kʼalal mi jaʼ xa ox tspas mantal li Ajvalilal yuʼun Diose (Salmo 37:11).
¿Kʼusi chal li Vivliae?
¿Mi xuʼ van skoltautik li Vivlia sventa mu masuk jvul koʼontontike?
¿Kʼusi chanop?
Tana
Moʼoj
Yikʼaluk van
Li kʼusi chal li Vivliae
«Akʼbeik me sbain [Dios] skotol li kʼusi chavul-o avoʼontonike, yuʼun oyoxuk ta yoʼonton» (1 Pedro 5:7). Li Vivliae chal ti xuʼ skoltautik Dios kʼalal ta jvul koʼontontike.
¿Kʼusi to mas chal li Vivliae?
Li ta orasione jaʼ te ta jtatik «li jun oʼontonal yuʼun [Diose]», taje jaʼ chakʼ ti mu masuk jvul koʼontontike (Filipenses 4:6, 7).
Jech noxtok, kʼalal mu xa jnaʼ kʼusi ta jpas ta jkuxlejaltik xchiʼuk ti sujomutik tajeke jaʼ me tskoltautik li Skʼop Diose (Mateo 11:28-30).
¿Mi ta van xkʼot skʼakʼalil ti muʼyuk xa kʼusi ta jvul-o koʼontontike?
Li kʼusi tsnop jlom krixchanoetike: Jlome tsnopik ti stalel onoʼox la ti ta jvul koʼontontike, ti sujomutik xchiʼuk ti mu xa jnaʼ kʼusi ta jpas ta jkuxlejaltike. Li yantik xtoke chalik ti jaʼ to la chlaj li vul oʼonton li ta yan kuxlejale. ¿Kʼusi chanop li voʼote?
Li kʼusi chal li Vivliae
Li Diose ta xakʼbe slajeb li kʼusitik ta jvul-o koʼontontike. «Muʼyuk xa lajelal, muʼyuk xa at-oʼonton, muʼyuk xa okʼel ta skoj vokolil xchiʼuk mi jaʼuk xa kʼusi kʼux ta aʼiel» (Apokalipsis 21:4).
¿Kʼusi to mas chal li Vivliae?
Mi jaʼ xa ox tspas mantal liʼ ta Balumil li Ajvalilal yuʼun Diose, jaʼ to me jun koʼontontik chijkuxi (Isaías 32:18).
Ta me xlaj skʼoplal li kʼusitik ta jvul-o koʼontontik, ti sujomutik xchiʼuk ti mu xa jnaʼ kʼusi ta jpas ta jkuxlejaltike (Isaías 65:17).