Jvokʼ ti bu oy sjakʼobile

◼ ¿Kʼu sjalil xuʼ xkakʼbetik chanubtasel ta Vivlia li buchʼu lek chchʼi ta mantale?

Xuʼ xkakʼbetik-o chanubtasel ta Vivlia jaʼ to mi tsuts xchanel kuʼuntik li livro ¿Kʼusi chchanubtasvan ta melel li Vivliae? xchiʼuk li livro «Tey me comanic o ta stojol ti scʼuxul yoʼnton ti Diose». Taje xuʼ jech jpastik-o akʼo mi laj xaʼox yichʼ voʼ li jchanun ta Vivliae. Akʼo mi yichʼoj xaʼox voʼ, xuʼ to jtsaktik li kʼu sjalil chijchanunaj xchiʼuke, ti jaykoj ay jvulaʼantike xchiʼuk xuʼ jtsaktik batel kʼuchaʼal jun chanubtasel ta Vivlia li ta j-informetike. Li buchʼu chchiʼinutik ta yakʼel li chanubtasel ta Vivliae xuʼ stsak yora ek, jaʼ noʼox mi chal sloʼile (kʼelo li Kabteltik sventa Dios yuʼun marso ta 2009, pajina 2).

Kʼalal skʼan toʼox xkiktatik sventa xakʼbeik yipal stukik li buchʼutik achʼ to ochemik ta mantale toj tsots skʼoplal ti lekuk tsʼunul ta yoʼontonik li sKʼop Diose. Sventa xkuch yuʼunik li vokoliletik ta snuptanike skʼan lek tsʼunuluk ta yoʼontonik xchiʼuk ti lekuk yakʼoj yibel li xchʼunel yoʼontonike (Col. 2:6, 7; 2 Tim. 3:12; 1 Ped. 5:8, 9). Jech noxtok, sventa lek xchanubtasik li yantik eke skʼan lek yojtikinel yuʼunik ta sventa «li cʼusi melele» (1 Tim. 2:4). Mi la jchantik xchaʼlikal li livro xchiʼuk li buchʼutik ta jchanubtastik ta Vivliae, jaʼ me jech yakalutik skoltael batel sventa tsotsuk-o li ta mantale xchiʼuk ti jaʼ te xbat-o li ta «sbelal cuxlejale» (Mat. 7:14).

Kʼalal skʼan toʼox xal moletik ta tsobobbail ti xuʼ xa xichʼ voʼ jun krixchanoe, skʼan skʼelik lek mi xaʼibe xa lek smelolal li kʼusitik baʼyel skʼan chanele xchiʼuk mi chakʼ xa batel ta xkuxlejal li mantaletike. Li moletik ta tsobobbaile mas to skʼan skʼelik lek li buchʼutik muʼyuk to tsutsem yuʼunik xchanel li baʼyel livroe. Mi oy buchʼu muʼyuk to chapal sventa xichʼ voʼe, li moletik ta tsobobbaile jaʼ me oy ta sbaik saʼel buchʼu xuʼ xkoltaat yoʼ xuʼ xichʼ voʼ li ta mas tsʼakale (kʼelo li foyeto Batanik, bat pasik ta kajchankʼoptak; akʼbeik yichʼ voʼ, ta pajina 58 kʼalal ta 60).

[Tsʼib ti mukʼtik sletraile ta pajina 2]

Li buchʼutik achʼ to ochemik ta mantale toj tsots skʼoplal ti lekuk tsʼunul ta yoʼontonik li sKʼop Diose