Ti kʼuxi xuʼ jkʼupintik lek li kʼejojetike

Li yajtuneltak Diose jaʼ jun lekil matanal yuʼun Jeova chilik li sone (Sant. 1:17). Jaʼ yuʼun, li epal tsobobbailetike tskʼupinik stijel sonal kʼejojetik kʼalal mu toʼox chlik o kʼalal chlaj li tsobajeletike ti mu toj tsotsuk tstijike. Kʼalal tstijik son li ta Salon sventa Tsobobbaile jaʼ chchapan lek jnopbentik xchiʼuk tskoltautik ti junuk koʼontontik chkichʼtik ta mukʼ li Jeovae. Ta yan xtoke, kʼalal chkaʼitik li sonetik mas achʼ ta svunal kʼejoje jaʼ tskoltautik sventa xkom ta joltik xchiʼuk ti jchantik lek skʼejintaele. Kʼalal ta jtijtik son mi tsuts xaʼox li tsobajele, jaʼ me tskoltautik sventa lek xijmuyubaj noʼox jpatbe jba koʼontontik. Li moletik ta tsobobbaile skʼan skʼelik lek kʼuxi chutik sventa stijik li son ti jaʼ li Cantemos a Jehová (acompañamiento de piano) kʼalal mu toʼox chlik o kʼalal chlaj li tsobajeletike. Pe skʼan me skʼelik ti ta smeloluk noʼox li svolumenal sventa stakʼ jchiʼin jbatik ta loʼile.