Kakʼbetik yantik li ‹kʼusitik› oy kuʼuntike (Mat. 12:35 sbavokʼal)

Jkotoltik ta jkʼan chkakʼbetik ‹kʼusitik› oy kuʼuntik li «buchʼu ta [svulaʼanutike]» (Rom. 12:13, Ch). Li moletike tskʼelik ti akʼo yichʼ tojbel kʼu yepal chlaj yuʼunik li buchʼutik chkʼot yetʼesik mantal ta tsobobbaile xchiʼuk ti akʼo yichʼ akʼbel sveʼele. Pe xuʼ van oy jlom jcholmantaletik ti vokol chaʼiik ch-ikʼvan batel ta snaik ta skoj ti mu kʼusi mas x-ayan yuʼunike o ta skoj ti chiʼike. Mi jech chkaʼi jbatike, xuʼ skoltautik li kʼusi albat yuʼun Jesús li Martae (Luc. 10:39-42). Li «cʼusi tsots [skʼoplal]» laj yal Jesús ti xuʼ jtatike jaʼ ti ta jchiʼin jbatik ta loʼile xchiʼuk ti ta jpatbe jba koʼontontike, maʼuk ti lek xa tajek chijveʼ o ti persa lek xa tajek xvinaj li jnatike. Jech kʼuchaʼal chal li Skʼop Diose, jkotoltik xuʼ xkakʼbetik yantik li ‹kʼusitik› oy kuʼuntike (3 Juan 5-8).