Jkolta jbatik ta jujuntal yoʼ jpastik li kʼusitik leke
Li Hebreos 10:24, xi chale: «Acʼo jnoptic cʼu xʼelan tscʼan chcalbe jbatic [o jkolta jbatik], yuʼun jech coʼol acʼo cʼuxubinvancutic xchiʼuc coʼol acʼo jpastic cʼusitic lec». Li kʼu yelan chkakʼtik iluk jtalelaltik xchiʼuk xchʼunel koʼontontike xuʼ me jtijbetik-o yoʼontonik li kermanotaktike. Jaʼ yuʼun mi oy kʼusi lek kʼotem ta pasel kuʼuntik ta cholmantale jloʼiltabetik me li yantike. Akʼo me yakʼik venta yantik ti xkuxet koʼontontik kʼalal chijtun ta stojolal Jeovae. Pe mu me jkoʼoltas jbatik xchiʼukik mi jaʼuk ta stojolal yan ermanoetik (Gál. 6:4). Kakʼ kipaltik sventa «jech coʼol acʼo cʼuxubinvancutic xchiʼuc coʼol acʼo jpastic cʼusitic lec», pe mu me oyuk smul xaʼi sbaik kuʼuntik ta skoj ti skʼan pasel li kʼusitik leke (kʼelo li livro Benefíciese, paj. 158, par. 4). Mi koʼol ta jkʼuxubin jbatike, jech me ta jkoltatik yantik sventa xkakʼbetik li kʼusitik chtun yuʼunike o ta jcholbetik mantal, ta me xnop xkaʼitik mi jech ta jpastike (2 Cor. 1:24).