KʼUSITIK KʼUPIL SBA TA VIVLIA | JOB 21-27
Li Jobe muʼyuk laj yakʼ ta yoʼonton li kʼusitik tslajesvane
Li Satanase tstunes jutbil kʼopetik sventa xchibajesbe yoʼonton li yajtuneltak Jeovae. Li ta slivroal Jobe, te chakʼ ta ilel ti kʼu yelan chal jutbil kʼopetik li Satanase xchiʼuk li kʼusi oy ta yoʼonton ta melel li Jeovae. Xuʼ to me xatsʼiba yan tekstoetik te ta olon ti bu chakʼ avil ti oyot ta yoʼonton li Jeovae.
JUTBIL KʼOPETIK YUʼUN SATANAS |
LI KʼUSI OY TA YOʼONTON TA MELEL LI JEOVAE |
|---|---|
Li Diose toj echʼ noʼox jpʼel xal ta stojolal li yajtuneltake yuʼun muʼyuk kʼusi xuʼ jpastik sventa junuk yoʼonton kuʼuntik. Mu xuʼ slekubtasbeik yoʼonton Jeova li kʼusitik kuxajtike (Job 4:18; 25:5). |
Li Jeovae oy sbalil chil ti kʼalal chkakʼtik persae (Job 36:5). |
Li Diose muʼyuk kʼusi xtun-o chil li jun krixchanoe (Job 22:2). |
Li Jeovae chchʼam xchiʼuk chakʼbe bendision li tukʼil abtel ta jpastike (Job 33:26; 36:11). |
Li Diose mu sventauk mi lekil krixchanoutik (Job 22:3). |
Li Jeovae chchabi li buchʼutik lekike (Job 36:7). |