Yakal chakʼ jlik tratado ta Tuvalu.
Kʼuxi xuʼ xkakʼtik
LI JKʼEL OSIL TA TOYOLE (Ta pajina 16)
Kʼusi ta jakʼtik: ¿Mi chkʼot van skʼakʼalil ti jun xa noʼox koʼontontik chijkuxie?
Kʼusi tekstoal ta jkʼeltik: Sl 72:7
Kʼusi vunal chkakʼtik: Li revista liʼe te chalbe skʼoplal kʼuxi xuʼ junuk noʼox koʼontontik.
KAKʼTIK TA CHANEL LI KʼUSI MELELE
Kʼusi ta jakʼtik: ¿Kʼuxi chkakʼtik iluk ti jkʼanojtik li Diose?
Kʼusi tekstoal ta jkʼeltik: 1Jn 5:3
Kʼusi vunal chkakʼtik: Kʼalal ta jchʼunbetik smantaltak li Diose chkakʼtik iluk ti jkʼanojtike.
¿MI XUʼ TO VAN XKUXIIK YAN VELTA LI BUCHʼUTIK CHAMEMIKE? (T-35)
Kʼusi ta jakʼtik: Jujun jabile ep krixchanoetik tspasbeik skʼinal li buchʼutik chamem yuʼunike. ¿Mi chkʼot van junuk kʼakʼal ti chkiltik yan velta li buchʼutik chamem kuʼuntike?
Kʼusi tekstoal ta jkʼeltik: Ech 24:15
Kʼusi vunal chkakʼtik: Li tratado liʼe chalbe smelolal kʼuxi xuʼ spat avoʼonton li chaʼkuxesele. [Mi xuʼ chavile, akʼo ta ilel li video ¿Mi oy spatobil oʼontonal ta sventa li buchʼu chamemike?].
TSʼIBAO LI KʼUSI CHAVAL TA CHOLMANTALE
Sventa xapas ti kʼu yelan chakʼan chacholmantale tuneso li skʼelobiltak cholmantal ta akʼole