Jtunes jkuxlejaltik sventa jmuyubtatik li Jeovae

Li jkuxlejaltike jaʼ jun mukʼta matanal. Li kʼu yelan chijkuxie jaʼ te xvinaj mi ep sbalil chkiltik. Skotol li stestigotak Jeovae chakʼik persa stunesel li spʼijilik xchiʼuk li kʼusitik xuʼ yuʼunik spasel sventa tsmuyubtaik li Jeovae, yuʼun jaʼ yakʼoj jkuxlejaltik (Sl 36:9; Ap 4:11). Akʼo mi jech, xuʼ van mu xa masuk tsots skʼoplal xkaʼitik li kʼusitik xuʼ jtatik ta mantal ta skoj li vokolil ta jnuptantik jujun kʼakʼale (Mr 4:18, 19). Tsots skʼoplal ti xi jakʼbe jbatike: «¿Mi ta sjunul koʼonton yakal chitun ta stojolal li Jeovae? (Os 14:2). Li kabtele xchiʼuk li kʼusi yakal ta jchane, ¿mi tskoltaun sventa lek xkil jba xchiʼuk li Jeovae? ¿Kʼusi jnopoj ta jkʼan ta jta ta mantal? ¿Kʼu yelan xuʼ mas chitun ta stojolal li Jeovae?». Mi xuʼ avuʼun ti mas chatun ta stojolal li Jeova, kʼanbo koltael sventa spas avuʼune. Kʼalal ta jmuyubtatik jujun kʼakʼal li Jeovae jaʼ chakʼ ti xijmuyubaj noʼoxe (Sl 61:8).

KʼELO LI VIDEO TUNESO AP’IJIL SVENTA JEOVA, VAʼUN TAKʼO LI SJAKʼOBILTAK LIʼE:

• ¿Kʼu yuʼun muʼyuk lek ti jaʼ te jtunes li jpʼijiltik sventa li sbalumil Satanase? (1Jn 2:17).

• ¿Kʼusi bendisional tstaik li buchʼutik tstunes spʼijilik ta stojolal li Jeovae?

• Kʼalal chatun ta stojolal Jeovae, ¿butik chakʼan chatunes li apʼijile?