KʼUSITIK KʼUPIL SBA TA VIVLIA | MATEO 8, 9
Li Jesuse la skʼan li krixchanoetike
Li ta kapitulo 8 xchiʼuk 9 ta slivroal Mateoe, jaʼ te chalbe jutuk skʼoplal ti la xchol mantal ta yosilal Galilea li Jesuse. Kʼalal la xpoxta li krixchanoetike jaʼ te laj yakʼ ta ilel ti oy sjuʼele, pe li kʼusi mas tsots skʼoplale jaʼ ti laj yakʼ ta ilel kʼanelal xchiʼuk xkʼuxul yoʼonton ta stojolal li yan krixchanoetike.
Li Jesuse la xpoxta jun vinik ti ip ta kʼaʼemal chamele (Mt 8:1-3).
Li Jesuse la xpoxtabe smoso jun bankilal soltaro (Mt 8:5-13).
La xpoxtabe smeʼniʼ Pedro (Mt 8:14, 15).
La slokʼes pukujetik xchiʼuk la xpoxtaan krixchanoetik ti chil svokolike (Mt 8:16, 17).
Li Jesuse la slokʼes xibal sba pukujetik xchiʼuk te la stakanan batel ta jtsop chitometik (Mt 8:28-32).
Li Jesuse la xpoxta jun vinik ti alubem sbekʼtale (Mt 9:1-8).
La xpoxta jun ants kʼalal pikbat stsitsimal skʼuʼe xchiʼuk la xchaʼkuxesbe li stseb Jairoe (Mt 9:18-26).
La xpoxta chaʼvoʼ maʼsatetik xchiʼuk jun umaʼ (Mt 9:27-34).
Li Jesuse xanav ta jteklumetik xchiʼuk ta bikʼit lumetik sventa chpoxta li buchʼutik oy kʼusi kʼux chaʼiike xchiʼuk li buchʼutik muʼyuk lekike (Mt 9:35, 36).
¿Kʼuxi xuʼ xkakʼ ta ilel slekil koʼonton xchiʼuk xkʼuxul koʼonton ta stojolal li yantike?