Li lokʼolkʼop ta sventa li trigo xchiʼuk li chopol tsʼiʼlele

Li Jesuse la stunes li lokʼolkʼop ta sventa trigo xchiʼuk li chopol tsʼiʼlel yoʼ xchapbe smelolal kʼuxi xchiʼuk bakʼin chlik stʼuj xchiʼuk tstsob li buchʼutik chbatik ta vinajele, jaʼ xkaltik li trigoe.

13:24

«Jun vinik ti la stsʼun lekil tsʼunobil ta yosile».

• Jtsʼunolajel: Li Jesukristoe

• Chichʼ tsʼunel li lekil tsʼunobile: Chichʼik tʼujel ta chʼul espiritu li yajtsʼaklomtak Jesuse

• Osil: Li krixchanoetik ta balumile

13:25

«Kʼalal yakal chvay li krixchanoetike te tal li yajkontrae, vaʼun la stsʼun chopol tsʼiʼlel ti bu tsʼunbil trigoe».

• Jkontrainvanej: Li Diabloe

• Vay li viniketike: Cham li jtakboletike

13:30

«Jaʼ lek akʼo jmoj chʼiuk jaʼ to mi laj yichʼ tsobele».

• Trigo: Li buchʼutik tʼujbil chbatik ta vinajele

• Chopol tsʼiʼlel: Li jecheʼ yajtsʼaklomtak Kristoe

«Tsobik baʼyel li chopol tsʼiʼlele, [...] vaʼun jaʼ to xatsobik li trigo[e]».

• J-abteletik xchiʼuk jtuchʼ trigoetik: Li anjeletike

• Chichʼ tsobel li chopol tsʼiʼlele: Chichʼik chʼakel lokʼel li jecheʼ yajtsʼaklomtak Kristo ta stojolal li buchʼutik tʼujbil chbatik ta vinajele

• Chichʼ tsobel ta snail li trigoe: Li buchʼutik tʼujbil chbatik ta vinajele chichʼik akʼel li ta tsobobbail ti sakubtasbil xae

¿Kʼuxi vinaj buchʼutik li melel xchiʼuk jecheʼ yajtsʼaklomtak Kristo kʼalal lik yichʼ tsobel li tsʼunobile?

¿Kʼu yelan tskoltaun kʼalal chkaʼibe smelolal li lokʼolkʼope?