Chpoxta jun vinik ta Savado li Jesuse

3:1-5

¿Kʼu yuʼun laj yat-o tajek yoʼonton Jesus ta sventa ti kʼu yelan tspas stalelalik li jbabeetik ta relijion yuʼun judaetike? Yuʼun laj yepajesik ta mas li mantaletik ta sventa li skʼakʼalil Savadoe xchiʼuk la skʼatajesik ta jun alal ikatsil. Jech kʼuchaʼal liʼe, mu stakʼ smilik jkotuk chʼak li ta Savadoe. Jech xtok, muʼyuk chpoxtaik li buchʼu jaʼ noʼox tsikʼem o situbem xchʼuxuvile xchiʼuk mi oy buchʼu kʼasem sbakile, jaʼ noʼox chpoxtaik li buchʼu chcham xae. Jaʼ yuʼun muʼyuk bu laj yat yoʼontonik li jbabeetik ta relijion ta stojolal li vinike.