«Kakʼbetik smoton li Jeovae»

¿Kʼuxi xuʼ ta slekiluk koʼonton xkakʼbetik smoton li Jeovae? (1Cr 29:5, 9, 14). Li ta olone te chal ti kʼutik yelan xuʼ xkakʼtik matanal takʼin sventa jkolta jbatik li ta abtelal chichʼ pasel ta spʼejel balumil xchiʼuk ti bu nakalutike.

LI MATANAL TAKʼIN CHKAKʼTIK TA INTERNETE O LI TA KAJAETIKE, CHICHʼ TUNESEL TA SVENTA:

• 

  LI ABTELAL TA SPʼEJEL BALUMILE

  svaʼanel kʼusitik, stunesel Beteletik xchiʼuk ofisinaetik ti bu chichʼ jelubtasel kʼopetike

  chanob vunetik sventa Dios

  li buchʼutik chtunik ta tsʼakal orae

  li buchʼutik chil tsots svokolike

  spasel videoetik, spasel imprimir vunetik xchiʼuk li vunetik ta Internete

• 

  LI KʼUSITIK CHTUN TA TSOBOBBAILE

  sventa xichʼ kʼelel ti lekuk noʼox oy li Salon sventa Tsobobbaile xchiʼuk xichʼ tojel lus o voʼ

  matanal takʼin ti snopojik ti kʼu yepal chichʼ takel batel ta Betel sventa:

  • svaʼanel Salon sventa Tsobobbail xchiʼuk Salonetik sventa Asamblea ta spʼejel balumil

  • Skoltael Ermanoetik ta spʼejel balumil

  • yan abtelaletik ti chichʼ pasel ta spʼejel balumile

LI ASAMBLEA REJIONAL XCHIʼUK TA SIRKUITOE

Li matanal takʼin chichʼ tsobel ta Asamblea rejionale chichʼ takel batel ta sventa li abtelal ta spʼejel balumile. Jaʼ yuʼun li takʼin chlaj ta Asamblea rejional, Asamblea ti stuk noʼox jeche xchiʼuk li ta Asamblea Internasionale jaʼ te chlokʼ li ta matanal takʼin chichʼ akʼel ta sventa li abtelal ta spʼejel balumile.

Li matanal takʼin chichʼ akʼel li ta Asamblea ta Sirkuitoe jaʼ sventa chichʼ tojel-o li bu ch-echʼ li asambleae, li kʼusitik chichʼ tunesel tee, ti xichʼuk kʼelel ti lekuk noʼox oye xchiʼuk jaʼ te chlokʼ li kʼusi chtun ta sirkuitoe. Oy jlom sirkuitoetike tstakik batel ta sventa li abtelal ta spʼejel balumil yuʼun stestigotak Jeova ti kʼu yepal kom li takʼin mi laj xa ox stojik skotole.