Lek kʼusi chkʼot ta nopel kʼalal chichʼ tsakel ta venta li Vivliae

¿Kʼusi chakʼ jchantik ta sventa ti kʼu yelan chapaj yuʼunik li kʼusi la snuptanike?

15:1, 2. Skʼan bikʼit xkakʼ jbatik xchiʼuk oyuk smalael kuʼuntik. Li Pablo xchiʼuk Bernabee muʼyuk bu te la xchapan stukik li kʼusi la snuptanike, yuʼun la saʼik beiltasel li ta s-organisasion Jeovae.

15:28, 29. Skʼan jpat koʼontontik ta stojolal li s-organisasion Jeovae. Li baʼyel yajtsʼaklomtak Kristoe la spat yoʼontonik ta stojolal Jeova ti jaʼ chchapan li kʼusitik la snuptanik ti tstunes li xchʼul espiritu xchiʼuk li Xnichʼone.

16:​4, 5. Skʼan jchʼuntik mantal. Epajik batel li tsobobbailetik ta skoj ti la xchʼunik li kʼusi laj yalik li jtsop jbeiltasvaneje.