Chichʼ akʼel ta ojtikinel li jpaschoplejale

2:6-12

¿Kʼusi skʼan xal li kʼusi laj yalbe skʼoplal Pablo li ta versikuloetik liʼe?

• 

  «Li kʼusi chmakvane» (ver. 6): Yaʼeluke, jaʼik li jtakboletike.

• «Chichʼ akʼel ta ojtikinel» (ver. 6): Kʼalal cham li jtakboletike, li jvalopatinej mantaletike lik yakʼik ta chanel jecheʼ chanubtaseletik xchiʼuk li loʼlavanej tspasik ta relijione.

• «Li xchopolal ti mukul to skʼoplale» (ver. 7): Li ta skʼakʼalil Pabloe, muʼyuk toʼox ojtikinbil lek buchʼu jaʼ «li jpaschoplejale».

• 

  «Li jpaschoplejale» (ver. 8): Li avie jaʼik li jbeiltasvanejetik ta relijione.

• «Li jpaschoplejale [...] chichʼ akʼbel slajeb kʼalal mi vinaj ti liʼ xa oy li Kajvaltike» (ver. 8): Li Jesuse jamal chakʼ ta ilel ti jaʼ xa ch-ajvalilaj ta vinajel kʼalal ta xakʼbe slajeb li sbalumil Satanase, ti te kapal skʼoplal ek «li jpaschoplejale».

¿Kʼu yuʼun tstij koʼontontik li versikuloetik sventa ta muyubajeluk jcholtik mantal xchiʼuk ti ta orauk xa noʼox jpastike?