Muʼyuk chchʼay ta sjol Dios li kʼusitik lek chichʼ pasele

K’alal chijtun ta stojolal Jeovae xuʼ oy kʼusitik lek jpastik ti mu xchʼay-o ta joltike. Jech kʼuchaʼal jun lekil totil ti muʼyuk chchʼay ta sjol li kʼusitik lekik tspas li xnichʼnabe, li Jeova eke mu xchʼay ta sjol li kʼusi lekik ta jpastike xchiʼuk ti jkʼanojbetik li sbie (Mt 6:20; Evr 6:10). Melel onoʼox ti jelajtik li jkuxlejaltike xchiʼuk li kʼusitik xijtojob spasele. Akʼo mi jech, ta me xijmuyubaj mi chkakʼtik persa chijtun ta stojolal li Jeovae (Gal 6:4; Kol 3:23). Li jabiletik echʼem tale, ta smilal xa noʼox ermanoetik tunemik ta Betel. ¿Mi xuʼ van xijtun ta Betel ek? Mi mu xuʼ kuʼuntike, ¿mi oy van buchʼu xuʼ jtijbetik yoʼonton sventa xbat tunuk o mi xuʼ van jkoltatik junuk kutsʼ kalaltik sventa te spasbe-o yabtel Jeova li ta Betele?

MI LA AKʼELIK LI VIDEO ¿KʼUSI SKʼAN XAPAS SVENTA XBAT TUNAN TA BETELE?, TAKʼIK LI SJAKʼOBILTAK LIʼE:

• ¿Kʼusi skʼan stij koʼontontik sventa xijtun ta Betele?

• ¿Kʼusi bendision staojik li ermanoetik ti te chtunik ta Betele?

• ¿Kʼusi chichʼik kʼanbel li buchʼutik tskʼan chtunik ta Betele?

• ¿Kʼusi stakʼ pasel sventa xijtun ta Betele?