Tukʼuk xkakʼ jbatik yuʼun jutuk xa skʼan xtal li slajebe

¿KʼU YUʼUN TSOTS SKʼOPLAL? Oy kʼusitik poʼot xa xkʼot ta pasel ti muʼyuk jech ilbil-o ti chakʼ ta preva li stsatsal koʼontontik xchiʼuk ti kʼu yelan jpatoj koʼontontik ta stojolal Jeovae. Li mukʼta tsatsal vokolile jaʼo chlik mi laj yichʼ akʼbel slajeb li jecheʼ relijionetike (Mt 24:21; Ap 17:16, 17). Kʼalal jaʼo yakal li vokolile, xuʼ van jaʼo chkaltik ti chichʼik chapanele (Ap 16:21). Li Gog ta Magogue ta me stsakutik ta kʼop (Ese 38:10-12, 14-16). Vaʼun, li Jeovae tslikes li «paskʼop ta smukʼta kʼakʼalil Dios ti jaʼ li Buchʼu skotol xuʼ yuʼune» (Ap 16:14, 16). Mi ta jkʼantik ti oyuk stsatsal koʼontontik li ta jelavele skʼan me tukʼ xkak’ jbatik li ta prevaetik ta jnuptantik avie.

¿KʼUXI TA PASEL?

• Skʼan ta sjunuluk koʼonton jchʼuntik li smantaltak Jeovae (Is 5:20).

• Jmojuk xkichʼtik ta mukʼ Jeova xchiʼuk li kermanotaktike (Ebr 10:24, 25).

• Skʼan jpastik noʼox ta anil li kʼusi chalbutik li s-organisasion Jeovae (Ebr 13:17).

• Jnopbetik skʼoplal kʼuxi la skolta steklumal Jeova li ta voʼnee (2Pe 2:9).

• Jkʼopontik Jeova ta orasion xchiʼuk jpat lek koʼontontik ta stojolal (Sl 112:7, 8).

MI LA AKʼELIK LI VIDEO SKʼAN OYUK STSATSAL KOʼONTONTIK SVENTA LI KʼUSITIK CHKʼOTANUK TA PASEL TA TSʼAKALE, TAKʼIK LI SJAKʼOBILTAK LIʼE:

• 

  ¿Kʼuxi laj yichʼik akʼel ta preva mi chchʼunik mantal li ermanoetik kʼalal jel stsobobbailike?

• 

  ¿Kʼuxi xkoʼolaj li stsatsal oʼontonal xchiʼuk li xchʼunel mantale?

• 

  ¿Kʼu yuʼun skʼan oyuk stsatsal koʼontontik li ta Armajedone?

• 

  ¿Kʼusi loʼilal ta Vivlia tskoltautik sventa jpat koʼontontik ti xuʼ spojutik li Jeovae? (2Kr 20:1-24).