Mu me xaval batel li jeche’ lo’iletike

Li avie, ta anil noʼox chaʼiik notisia ta smiyonal noʼox krixchanoetik, yuʼun tskʼelik ta periodiko, chaʼiik ta radio, tskʼelik ta television o ta Internet. Li Diose melel snaʼ xkʼopoj, jaʼ yuʼun li yajtunelutike muʼyuk ta jpuktik batel junuk aʼyej ti mu meleluke, akʼo mi mu yolbajuk jech ta jpastik (Sl 31:5; Eks 23:1). Kʼalal chkalbetik batel yantik li kʼusitik jnaʼojtike, xuʼ me xijyayijesvan. Sventa jnaʼtik mi melel li kʼusi chkaltike, xi jakʼbe jbatike:

• ¿Mi xuʼ jpat koʼontontik ta stojolal li buchʼu laj yale? Yuʼun li buchʼu laj yale xuʼ van mu snaʼ skotol li kʼusitik kʼot ta pasele. Li kʼusi chkalbetik yantike ta xjel batel. Ja’ yu’un, k’elo me aba mi mu xana’ bu likem talel li lo’ile. Ta skoj ti sk’an jpat ko’ontontik ta stojolal li buch’utik yich’oj yabtelik ta tsobobbaile, sk’an me sk’elik lek mi melel li k’usi chalbeik sk’oplale.

• ¿Mi oy van buch’u chopol chkom sk’oplal? Mi ja’ jeche, ja’ me lek ti mu xkaltik batele (Pr 18:8; Flp 4:8).

• ¿Mi jech ta melel? Ich’o me ap’ijil ta sventa li lo’iletik ti toj labalik sba ta a’iele.

MI LA AK’ELIK LI VIDEO ¡PAJTSANO LI LOʼILTAELE!, TAK’IK LI SJAK’OBILTAK LI’E:

• 

  Jech k’ucha’al chal Proverbios 12:18, ¿k’u to yepal xu’ xyayijesvan li k’usi chkaltike?

• 

  ¿K’uxi tskoltautik Filipenses 2:4 sventa jnoptik k’usi chkaltik ta stojolal li yantike?

• 

  ¿K’usi xu’ jpastik mi chkak’tik venta ti tsok xa batel li k’usi ta jlo’iltatik ta stojolal li jun krixchanoe?

• 

  K’alal oy buch’u chlik kalbetik sk’oplale, ¿kusi ba’yel sk’an jak’be jbatik?