¿Mi xuʼ xavakʼ avipal xchiʼuk akʼakʼal?

Jech kʼuchaʼal laj yal li j-alkʼop Isaiase, li jvokʼ s-organisasion Jeova ta balumile yantik x-epaj batel ti mu toʼox bu jech ilbile (Is 54:2). Jaʼ yuʼun, ta xtun kuʼuntik mas Salonetik sventa Tsobobbail, Salonetik sventa Asamblea xchiʼuk yan naetik li ta Beteletike. Mi laj xa ox yichʼ vaʼanele, skʼan kʼelel li bu ta sokanuke xchiʼuk ta mas tsʼakale skʼan chaʼmeltsanel li jlome. Taje xuʼ te xkakʼbetik kipaltik xchiʼuk jkʼakʼaltik li Jeovae. Xuʼ jpastik liʼe:

• Xuʼ jkolta jbatik ta xchʼubael o ta smesel li jsalontik xchiʼuk li jgrupotike.

• Xuʼ xkichʼtik chanubtasel kʼuxi ta jchabitik li jsalontike.

• Xuʼ jnojestik li Solicitud de voluntario local de diseño y construcción (DC-50) sventa jkolta jbatik ta svaʼanel o ta skʼelel li naetik ti bu chkichʼtik ta mukʼ li Jeovae.

• Xuʼ jnojestik li Solicitud para el programa de voluntarios (A-19) sventa jkolta jbatik junuk xemana o mas li ta Betel o ta yantik ti bu kʼalal sbainoj skʼelel li Betele.

MI LA AK’ELIK LI JTUCHʼ VIDEO OY K’USI ACH’ CHICH’ VA’ANEL, TAK’IK LI SJAK’OBILTAK LI’E:

• Leʼ xa ta 2014, ¿kʼu yelan yakal chichʼ tunesel li videoetike?

• Sventa xichʼ pasel skotol li videoetik ti chtun kuʼuntike, ¿kʼusi nopbil chichʼ pasel xchiʼuk bakʼin ta stsuts?

• ¿Kʼusi xuʼ spasik li buchʼutik tskʼan chkoltavanik li ta abtelal taje?

• Mi ta jkʼan ta jkolta jbatik ta svaʼanel li naetik ta Rámapoe, ¿kʼu yuʼun skʼan jnojestik li DC-50 xchiʼuk ti jkolta jbatik ta spasel li abtelaletik tspasik li LDC?

• ¿Kʼusi sprevail oy kuʼuntik ti tskoltautik Jeova ta spasel li abtelal taje?

• ¿Kʼusi xuʼ jpastik sventa jkolta jbatik mi mu xuʼ kuʼuntik xijbate?