KʼUSITIK KʼUPIL SBA TA VIVLIA | EKSODO 37, 38
Li skajleb matanaletike jaʼ sventa xichʼ ichʼel-o ta mukʼ li Jeovae
Li skajleb matanaletik ta axibalnae jech laj yich’ meltsanel kʼuchaʼal laj yal Jeovae xchiʼuk oy kʼusitik skʼan xal.
Jech kʼuchaʼal lek kapbil li pom chichʼ akʼbel Jeovae, jaʼ jech tskʼupin ek ti lekuk chapal li orasion tspas yajtuneltake.
Li Jeovae lek ta xchʼam li chikʼbil matanal ta xichʼ akʼel ta skajleb matanale. Li skajleb matanale jaʼ skʼan xal ti la xchʼambe xkuxlejal Xnich’on Dios ti laj yak’ ta matanale. Jech xtok, ti te oy ta yeloval axibalna li skajleb matanale jaʼ tsvules ta joltik ti skʼan oyuk xchʼunel koʼontontik ti laj yak’ ta matanal xkuxlejal Jesus sventa lekuk xilutik li Diose (Jn 3:16-18; Ebr 10:5-10).
Li pome skʼan lek chapanbil, ¿kʼuxi xuʼ jchapan lek li j-orasiontik eke? (Sl 141:2).