KʼUSITIK KʼUPIL SBA TA VIVLIA | LEVITIKO 1-3
¿Kʼusi sventa li matanal laj yakʼike?
Li Smantal Moisese te ch-albat j-israeletik ti akʼo xakʼik matanaletik o chikʼbil matanaletike. Taje toj kʼupil chil li Jeovae xchiʼuk jaʼ skʼan xal li xkuxlejal laj yakʼ ta matanal li Jesuse o li sbaliltak chichʼ tabel taje (Ebr 8:3-5; 9:9; 10:5-10).
Li chonbolometik chichʼ akʼel ta matanale skʼan ti muʼyukuk ipike o ti chʼabaluk xchopolilike, li Jesus eke tukʼ xchiʼuk muʼyuk xchopolil (1Pe 1:18, 19).
Li chikʼbil matanal laj yichʼ akʼele jaʼ laj yichʼ akʼbel skotol li Jeovae, li Jesus eke laj yakʼbe skotol Jeova li xkuxlejale.
Li buchʼutik laj yakʼik li milbil matanal sventa jun oʼontonale jun noʼox yoʼontonik xchiʼuk li Diose, li buchʼutik tslajesik li pan xchiʼuk vino li ta Veʼlil ta bat kʼakʼal yuʼun Kajvaltike jaʼ jech jun yoʼontonik ek xchiʼuk li Diose.