KʼUSITIK KʼUPIL SBA TA VIVLIA | LEVITIKO 4, 5
Kakʼbetik Jeova li kʼusi mas lek oy kuʼuntike
Akʼo mi oy buchʼutik povreik li ta Israele, muʼyuk kʼusi chmakatik-o sventa lekuk xil sbaik xchiʼuk li Jeovae. Akʼo mi jaʼ li buchʼutik abol tajek sbaike, xuʼ xakʼbeik matanal Jeova ti lek chile jaʼ noʼox venta mi jaʼ li kʼusi mas lek xuʼ xakʼbeike. Xuʼ xakʼbeik arina, pe li Jeovae jaʼ tskʼan ti jaʼ x-akʼbat li «arina ti lek nine» ti jaʼ tstunesik kʼalal chkʼot jvulaʼaletike (Je 18:6). Li avi eke, akʼo mi mu masuk ep kʼusitik xuʼ xkakʼbetik li Jeovae ta xchʼam mi jaʼ chkakʼbetik li «milbil matanaletik» ti jaʼ sventa jkʼupil kʼoptatike (Ebr 13:15).
¿Kʼu yuʼun tspat koʼontontik mi iputik o mi muʼyuk xa kipaltik ta spasel li kʼusi tskʼan Jeova jech kʼuchaʼal ta jpastik toʼoxe?