KʼUSITIK KʼUPIL SBA TA VIVLIA | LEVITIKO 10, 11
Jaʼuk mas jkʼantik li Jeovae maʼuk li kutsʼ kalaltike
Kʼalal chichʼ lokʼesel ta tsobobbail junuk kutsʼ kalaltike, xuʼ me xakʼ ta preva li stukʼil koʼontontik ta stojolal Jeovae. Li mantal akʼbat yuʼun Jeova li Aarone chakʼ jchantik ti skʼan jkʼantik mas li Jeovae maʼuk li kutsʼ kalaltik ti lokʼemik ta mantale. Ta skoj ti jkʼanojtik tajek li Jeovae, ta jtsaktik ta venta li kʼusi chkʼot ta nopel yuʼune, jaʼ yuʼun muʼyuk xa ta jchiʼintik li kutsʼ kalaltik ti muʼyuk xa chtunik ta stojolal Jeovae.
¿Kʼusi bendisional tstaik li buchʼutik chchʼunbeik smantal Jeova ta sventa ti mu jchiʼintik li buchʼutik lokʼemik ta mantale? (1Ko 5:11; 2Jn 10, 11).