Xuʼ xkakʼtik ta ilel kʼanelal li ta asamblea rejionaletike

¿Kʼu yuʼun ta jkʼupintik tajek li asamblea rejionaletike? Yuʼun jech kʼuchaʼal li j-israeletik ta voʼnee, xuʼ jmoj xkichʼtik ta mukʼ Jeova xchiʼuk ta smiyonal noʼox kermanotaktik. Maʼuk noʼox ta jkʼupintik li mantaletike, yuʼun ta jchiʼintik ta loʼil xtok li kamigotaktike xchiʼuk li kutsʼ kalaltike. Taje toj ep sbalil chkiltik, jaʼ yuʼun chijbat yoxibal kʼakʼal li ta asambleae.

Li ta asambleae maʼuk noʼox me jnopbetik skʼoplal li mantaletike, yuʼun skʼan xkakʼtik ta ilel ti jkʼanojtik li yantike (Gal 6:10; Ebr 10:24, 25). Chkakʼtik ta ilel kʼanelal mi jaʼ noʼox ta jmak jchotlebtik o ta jambetik tiʼ na junuk ermanoe (Flp 2:3, 4). Xuʼ me jta ep kamigotaktik. ¿Kʼu chaʼal mu jchiʼintik ta loʼil li buchʼutik mu xkojtikintike? Taje xuʼ jech xapas kʼalal skʼan toʼox xlik mantale o kʼalal lajem xa oxe o mi moʼoje jaʼo kʼalal yorail veʼele (2Ko 6:13). Ti kʼu yelan chkil jbatike mu xlaj-o skʼoplal. Kʼalal chilik yantik ti jkʼanoj jbatik ta melele, xuʼ xtijbat yoʼontonik sventa xojtikinik Jeova (Jn 13:35).

MI LA AKʼELIK LI VIDEO ASAMBLEA INTERNASIONAL «LI KʼANELALE MU XLAJ-O SKʼOPLAL», TAKʼIK LI SJAKʼOBILTAK LIʼE:

• 

  Li ermanoetike, ¿kʼuxi laj yakʼbeik ta ilel kʼanelal li jvulaʼaletik ti ayik ta asamblea internasional ta 2019?

• 

  ¿Kʼu yuʼun jmoj tsobolik xchiʼuk skʼanoj sbaik li steklumal Diose?

• 

  Li Jtsop Jbeiltasvaneje, ¿kʼuxi laj yalbeik skʼoplal li kʼanelale?

• 

  ¿Kʼuxi vinaj ti skʼanoj sbaik li ermanoetik ta Alemania xchiʼuk ta Corea del Sure?

• ¿Kʼusi jpʼel oy ta koʼontontik spasel?