TOJOBKUTIK MAS TA SPASEL LI KABTELTIKE | MUYUBAJKUTIK LI TA CHOLMANTALE

Jtunestik skʼelobiltak xchiʼuk lokʼolkʼopetik kʼalal chijchanubtasvane

Kʼalal ta jpastik revisita o chkakʼtik junuk estudioe, skʼan xaʼibeik smelolal li kʼusi mas tsotsik skʼoplale. Jaʼ yuʼun, jtunestik skʼelobiltak, lokʼolkʼopetik sventa xkʼot ta yoʼontonik li mantale xchiʼuk ti mu xchʼay ta sjolike.

Kʼalal yakal chachapan abae, jaʼ xatʼuj li kʼusitik mas tsotsik skʼoplale. Mi laje, tʼujo skʼelobiltak xchiʼuk lokʼolkʼopetik ti kʼunik ta aʼiele (Mt 5:14-16; Mr 2:21; Lu 14:7-11). Tsako me ta venta li kʼusi snaʼoj xae xchiʼuk ti kʼu yelan xkuxlejal li krixchanoe (Lu 5:2-11; Jn 4:7-15). Vaʼun, chamuyubaj me kʼalal chavil ti kʼupil chaʼi li kʼusitik yakal chchane.

MI LA AKʼELIK LI VIDEO XIJMUYUBAJ YUʼUN TI TA JPASTIK TA YAJTSʼAKLOM KRISTO LI KRIXCHANOETIKE. TOJOBKUTIK MAS: JTUNESTIK SKʼELOBILTAK XCHIʼUK LOKʼOLKʼOPETIK KʼALAL CHIJCHANUBTASVANE, TAKʼIK LI SJAKʼOBILTAK LIʼE:

¿Kʼu yuʼun skʼan jkoltatik li krixchanoetik sventa xaʼibeik smelolal junuk tekstoe?
¿Kʼusi skʼelobil la stunes Rita sventa xalbe smelolal li kʼusi chal Romanos 5:12?
Chkʼot ta oʼontonal mi ta jnoptik lek li skʼelobiltak ta jtunestike.

¿Kʼusi sbalil chichʼ tael mi ta jnoptik lek kʼusi skʼelobiltak ta jtunestike?
¿Kʼu yuʼun skʼan jtunestik li videoetik xchiʼuk li yan kʼusitik slokʼesoj j-organisasiontike?