LI JKUXLEJALTIKE
Jechuk xkiltik kʼuchaʼal jmeʼtik o jchiʼiltik ta vokʼel li ermanaetike
Li Vivliae chal ti jechuk xkiltik kʼuchaʼal jtot jmeʼtik li ermanoetik ti oy xa sjabilalike xchiʼuk ti jechuk xkiltik kʼuchaʼal jchiʼiltaktik ta vokʼel li kerem tsebetike (kʼelo 1 Timoteo 5:1, 2). Pe li ermanoetike skʼan stsakik ta venta li ermanaetike.
Li jun ermanoe muʼyuk tsloʼlabe sjol li jun ermanae mi jaʼuk oy kʼusi tspas ti chopol chaʼi-o sba yuʼune (Job 31:1). Jech xtok, li jun ermano ti muʼyuk nupuneme muʼyuk tsyayijesbe yoʼonton li jun ermanae xchiʼuk muʼyuk kʼusi tspas ti chakʼ ta ilel ti lek chile, pe ti muʼyuk oy ta yo’onton chojtikin mase.
Li moletik ta tsobobbaile skʼan stsʼet chikintaik lek kʼalal ta smelolal noʼox oy kʼusi chjakʼbatik yuʼun li ermanaetike o kʼalal oy kʼusi ch-albatik ti skʼan kʼelbel skʼoplale. Jaʼ mas tstsakik ta venta li ermanaetik ti chʼabal smalalike (Rut 2:8, 9).
MI LA AK’ELIK LI VIDEO KAKʼTIK TA ILEL TA TSOBOBBAIL LI KʼANELAL TI MU XLAJ-O SKʼOPLALE: TA STOJOLAL LI BUCHʼU CHAMEM SNUP XCHIʼILIK O STOT SMEʼIKE, TAK’IK LI SJAK’OBILTAK LI’E:
¿Kʼuxi laj yakʼik ta ilel ermanoetik ti skʼanojik li ermana Myint?
Kʼalal laj yichʼ koltael li ermana Myint, ¿kʼu yelan laj yil li slakʼnatake?
¿Kʼusi sbalil la stabeik li stsebetak ermana Myint kʼalal koltaatik yuʼun li ermanoetike?
¿Kʼuxi xuʼ xavakʼ ta ilel ti oy ta avoʼonton li ermanaetike?