Jtsaktik ta venta Jeova skotol ora

Kʼalal vokol ta jta kabteltike, xuʼ van mu kʼunuk chkaʼitik ti baʼyel xkakʼ ta jkuxlejaltik li Ajvalilal yuʼun Dios xchiʼuk li stukʼilale. Xuʼ van ta jkʼan ta jchʼamtik junuk abtelal ti xuʼ smakutik sventa xkichʼtik ta mukʼ li Jeova o ti chal Vivlia ti chopole. Pe teuk ta joltik ti Jeovae tskolta «li buchʼu ta sjunul yoʼonton tukʼ chakʼ sba ta stojolale» (2Kr 16:9). Jaʼ jun jkʼanvanej totil xchiʼuk muʼyuk kʼusi xuʼ xmakat ta be sventa skoltautik xchiʼuk ti xakʼbutik li kʼusi chtun kuʼuntike (Ro 8:32). Jaʼ yuʼun, kʼalal oy kʼusi ta jnoptik ta sventa li kabteltike, jpat koʼontontik ta stojolal Jeova xchiʼuk jaʼuk mas tsots skʼoplal xkiltik ti chijtun ta stojolale (Sl 16:8).

MI LA AKʼELIK LI VIDEO TA SJUNULUK KOʼONTONTIK XIJ-ABTEJ TA STOJOLAL JEOVA, TAKʼIK LI SJAKʼOBILTAK LIʼE:

• 

  ¿Kʼu yuʼun muʼyuk la xchʼam takʼin li Jasone?

• 

  ¿Kʼuxi xuʼ xkakʼ ta jkuxlejaltik li kʼusi chal ta Kolosenses 3:23?

• 

  ¿Kʼuxi koltaat Thomas ti lek stalelal li Jasone?

• 

  ¿Kʼuxi xuʼ xkakʼ ta jkuxlejaltik li kʼusi chal ta Mateo 6:22?