¿Kʼuxi xuʼ xtunik mas ta stojolal Jeova li ermanaetike?

Li ermanaetike toj ep chkoltavanik li ta steklumal Diose (Sl 68:11). Jaʼ mas ep chakʼik estudio xchiʼuk jaʼ mas ep ti chtunik ta prekursora regulare. Ta smilal xa noʼox ermanaetik te chtunik ta Betel, ta misioneroal, chkoltavanik li ta abtelal sventa svaʼanel salonetik o ta sjelubtasel vunetik ta yantik kʼop. Li ermanaetik ti lek tsotsik ta mantale toj ep tskolta li yutsʼ yalalike xchiʼuk li tsobobbaile (Pr 14:1). Akʼo mi mu xuʼ xtunik ta moletik ta tsobobbail o ta siervo ministerial, xuʼ oy kʼusi xakʼ ta yoʼontonik stael ta mantal. Jaʼ yuʼun, ermana, ¿kʼusi to mas xuʼ xapas ta stojolal Jeova?

• Masuk to xlekub atalelal (1Ti 3:11; 1Pe 3:3-6).

• Koltao yan ermanaetik ti jutuk to kʼusi xchanojik tale (Tit 2:3-5).

• Masuk ep xachol mantal xchiʼuk masuk to lek xapas.

• Chano yan kʼop.

• Ti xabat ta naklej ti bu chtun mas jcholmantaletike.

• Nojeso junuk solisitud sventa xbat tunan ta Betel o ta svaʼanel naetik ti bu chichʼ ichʼel ta mukʼ Jeovae.

• Nojeso junuk solisitud sventa xabat li ta Chanob vun sventa j-al lekil aʼyejetik yuʼun Ajvalilal yuʼun Diose.

MI LA AKʼELIK LI VIDEO «ANTSETIK TI TSOTS CH-ABTEJIK TA STOJOLAL KAJVALTIKE», TAKʼIK LI SJAKʼOBIL LIʼE:

• ¿Kʼusi la stij avoʼonton spasel li ermanaetike?