¿K’u yelan li avamigotak ta Internete?

Li buchʼutik yamigo sbaike lek tajek xil sbaik xchiʼuk skʼanoj sbaik tajek. Li David xchiʼuk Jonatane laj yamigoin sbaik kʼalaluk la smil Goliat li Davide (1Sa 18:1). Toj lek laj yamigoin sbaik ta skoj ti jaʼ la skʼelbe sbaik li slekil talelalike. Jaʼ yuʼun, sventa jta jlekil amigotike skʼan jchʼakbetik lek yorail xchiʼuk ti xkakʼtik persa ti xkojtikintike. Xuʼ ta anil no’ox jta kamigotaktik li ta redes socialese. Li krixchanoetike xuʼ smukik ti k’u yelanik ta melel li ta Internete, yuʼun xuʼ stʼujik li kʼusitik tsmuyesik xchiʼuk kʼusitik chalike. Jech oxal, toj lek ti jnopbetik skʼoplal buchʼutik chkamigointik li ta Internete. K’alal oy buchʼu tskʼan chamigoinot ta Internet ti mu xavojtikin leke, mu xachʼam ta avamigo ta skoj no’ox ti chaxiʼ mi chopol xa’i sba avuʼune. Ta skoj ti toj ep kʼusitik xibal sbae, junantike muʼyuk tstunesik li redes socialese. Pe mi chanop chatunese, ¿k’usi skʼan xatsak ta venta?

MI LA AK’ELIK LI VIDEO MU ME SYAKOT LI REDES SOSIALESE, TAK’IK LI SJAK’OBILTAK LI’E:

• 

  ¿K’usi skʼan xatsak ta venta k’alal skʼan to’ox xamuyes fotoetik ta Internet o ti oy k’usi xatsʼibae?

• 

  ¿K’u yuʼun skʼan mu buchʼuuk no’ox xavamigoin ta Internet?

• 

  ¿K’u yuʼun skʼan ta spʼisoluk no’ox xatunes li redes socialese? (Ef 5:15, 16).