KʼUSITIK KʼUPIL SBA TA VIVLIA

Tojoban lek stʼujel li buchʼu chanupun xchiʼuke

Muʼyuk laj yakʼ ta ilel spʼijil Salomon kʼalal nupun xchiʼuk antsetik ti chichʼik ta mukʼ yan diosetike (1Re 11:1, 2; w18.07 paj. 18 par. 7).

Li Salomone ta kʼunkʼun tijbat yoʼonton yuʼun yajniltak sventa xlik stsʼakli yan diosetik (1Re 11:3-6; w19.01 paj. 15 par. 6).

Li Jeovae ilin tajek ta stojolal li Salomone (1Re 11:9, 10; w18.07 paj. 19 par. 9).

Jun ermana ti tojol tseb toe yakal chchan Svivlia xchiʼuk tsnopbe skʼoplal jun ermano ti tojol kerem toe. 1. Li ermanoe yakal chakʼ sloʼil ta tsobajel. 2. Li ermanoe yakal chchol mantal ta karrito. 3. Li ermanoe yakal ch-abtej ta skʼelel Salon sventa Tsobobbail.

Li Vivliae chalbe li tojol kerem tsebetik ti «jaʼ noʼox ta sventa Kajvaltik» xuʼ xnupunike (1Ko 7:39). Akʼo mi yichʼoj xa voʼ li jun ermano o ermanae, maʼuk skʼan xal ti xuʼ xkʼot ta jun lekil malalil o ajnilale. Xiuk xajakʼbe abae: «¿Mi tskoltaun sventa xitun ta sjunul koʼonton ta stojolal Jeova? ¿Mi oy xa kʼuk sjalil yakʼoj tal ta ilel ti skʼanoj ta melel li Jeovae?». Ojtikino lek baʼyel li buchʼu chkʼot ta anup achiʼil kʼalal skʼan toʼox xavakʼ ave ti chanupun xchiʼuke.