KʼUSITIK KʼUPIL SBA TA VIVLIA
Li Jeovae tskoltaot ta spasel li kʼusi abainoje
Li jlevietik ti chtunik ta jchabitiʼnaetike tsots skʼoplal yabtel yichʼojik (1Kr 9:26, 27; w05 1/10 paj. 9 par. 8).
Li ta skʼakʼalil Moisese, li Finease jaʼ jnitvanej yuʼunik li buchʼutik chchabiik li stiʼ karpanae (1Kr 9:17-20 sbavokʼal).
Li Jeovae la skolta Fineas sventa spas yuʼun li kʼusi sbainoje (1Kr 9:20 xchaʼvokʼal; w11 15/9 paj. 32 par. 7).
Li Jeovae oy kʼusitik chakʼ jbaintik ti tsotsik skʼoplale. Kʼanbo koltael Jeova xchiʼuk li buchʼutik yijik ta mantal kʼalal mu xanaʼ kʼuxi ta pasele (Flp 2:13).