LI JKUXLEJALTIKE
Sabo skʼoplal li kʼusi tsnop Jeovae
Ta skoj ti ta jkʼantik ti xmuyubaj kuʼuntik li Jeovae, skʼan jkʼeltik mi lek chil li kʼusi chkʼot ta nopel kuʼuntike akʼo mi muʼyuk junuk mantal ti chalbutik li kʼusi skʼan jpastike (Pr 27:11). ¿Kʼuxi tspas kuʼuntik taje?
Jchantik jujun kʼakʼal li Vivliae. Kʼalal ta jchantik li Vivliae, xkoʼolaj kʼuchaʼal te jchiʼinojtik li Jeovae. Kʼalal chkakʼtik venta kʼu yelan la skolta steklumal xchiʼuk ta jnopbetik skʼoplal li kʼusi lekik xchiʼuk chopol la spasik li yajtuneltak ta voʼnee, tskoltautik sventa jnaʼtik li kʼusi tsnop Jeovae. Vaʼun, kʼalal oy kʼusi ta jnop ta jpastike, li chʼul espiritue tskoltautik sventa xvul ta joltik li kʼusi jchanojtike xchiʼuk li beiltaseletik ta Vivliae (Jn 14:26).
Jsabetik mas skʼoplal. Kʼalal oy kʼusi ta jnop ta jpastike, xi baʼyel jnoptike: «¿Kʼusi tekstoal o loʼil ta Vivlia xuʼ skoltaun ta snaʼel li kʼusi tsnop Jeovae?». Kʼanbo koltael Jeova, tuneso li kʼusi oy kuʼuntik ta jkʼoptike xchiʼuk akʼo ta akuxlejal li beiltaseletik ta Vivlia te chatae (Sl 25:4).
MI LA AKʼELIK LI VIDEO SKʼAN XKUCH KUʼUNTIK LI ANILAJELE—LEK ME JMAKʼLIN JBATIK, TAKʼIK LI SJAKʼOBILTAK LIʼE:
¿Kʼusi la snuptan li ermana laj kiltik ta videoe?
Sventa stsal avuʼun mi oy kʼusi jech chanuptane, ¿kʼuxi tskoltaot kʼalal chasabe skʼoplal ta jvuntike?
¿Kʼuxi tskoltautik kʼalal ta jchʼakbetik yorail chijchanunaj xchiʼuk ti baʼyel jsabetik skʼoplal li kʼusi ta jnop ta jpastike? (Ebr 5:13, 14).