KʼUSITIK KʼUPIL SBA TA VIVLIA

Lek chapal ti kʼu yelan laj yichʼik ta mukʼ Jeova ta temploe

Li ajvalil Davide la xchapan jlevietik xchiʼuk paleetik sventa xtunik li ta temploe (1Kr 23:6, 27, 28; 24:1, 3; it-2 paj. 214 par. 1; paj. 893 par. 1).

Laj yichʼ vaʼanel jtijsonetik ti lek xtojobike xchiʼuk oy buchʼutik laj yichʼ tʼujel sventa xtunik ta templo (1Kr 25:1, 8; it-2 paj. 443 par. 1).

Laj to yichʼ tʼujel yan jlevietik sventa xtunik ta jchabitiʼnaetik, sventa xchabiik kʼulejal xchiʼuk ti spasik yan abtelaletike (1Kr 26:16-20; it-2 paj. 684 par. 1).

Kʼalal skʼan to xlik tsobajel li ta Salon sventa Tsobobbaile. 1. Li ermanoetike chchiʼin sbaik ta loʼil. 2. Jun ermano oy kʼusi chakʼbe yil jun ermana li ta tavlero bu chakʼik anunsioetike. 3. Jun ermana tstikʼ matanal takʼin li ta cajae. 4. Jun ermano ti sbainoj skʼelel li vunetike chakʼbe jlik vun jun ermana. 5. Li ta plataformae yakal tskʼel mikrofono li jun ermanoe. 6. Yakal tspasik aseo jun ermano xchiʼuk xnichʼon.

Li Jeovae kʼupil tajek chil ti lek xchapet tspas skotol li kʼusitike, jaʼ yuʼun tskʼan ti jechuk xchapet ti kʼu yelan chkichʼtik ta mukʼ eke (1Ko 14:33).

SVENTA XANOPBE SKʼOPLAL: ¿Kʼu yuʼun xuʼ xkaltik ti lek chapal ti kʼu yelan chkichʼtik ta mukʼ Jeova li avie?