¿Mi jaʼ jun Trinidad li Diose?

Li kʼusi chal Vivliae

Epal relijionetike chchanubtasvanik ti jaʼ jun trinidad li Diose, jaʼ xkaltik, ti jaʼ Dios li Totile, li Nichʼonile xchiʼuk li chʼul espiritue. Jkʼeltik kʼusi chal jun enciclopedia: «Li jpʼel kʼop Trinidade muʼyuk te tsʼibabil li ta Achʼ Testamentoe [...]. Li chanubtasel taje ta kʼunkʼun lik spukik talel, jaʼ yuʼun mu xa snaʼik mi melel o maʼuk» (The Encyclopædia Britannica).

Li ta Vivliae muʼyuk te chal ti oxvoʼik li Diose. Jkʼeltik avil kʼusi chal li versikuloetik liʼe:

«Li Jeova Dios kuʼuntike jaʼ noʼox stuk Jeova» (Deuteronomio 6:4).

«Jaʼ Jeova li abie, ti voʼot noʼox atuk ti Buchʼu toj toyol oyot ta spʼejel balumile» (Salmo 83:18).

«Jaʼ skʼoplal kuxlejal sbatel osil liʼe: ti ta xojtikinikote, li jun noʼox melel Diosote xchiʼuk ti chojtikinik ek li buchʼu la atak tale, li Jesukristoe» (Juan 17:3).

«Jaʼ noʼox stuk Dios» (Galatas 3:20).

¿Kʼu yuʼun jutuk mu skotoluk relijion chakʼik ta chanel ti jaʼ jun Trinidad li Diose?