Nota

b Li Vivliae chchanubtasutik ti mu baluk noʼox ti chʼanxi jol koʼontontik kʼalal oy kʼusi ta jpastike. Xi laj yal li Pabloe: «Muʼyuk kʼusi chopol chalbun li jol koʼontone. Pe taje maʼuk skʼan xal ti tukʼ xa jkʼoplale, yuʼun jaʼ tskʼelbun jkʼoplal li Jeovae» (1 Korintios 4:4). Jech oxal chaʼa, li kʼusi mas tsots skʼoplale maʼuk ti jnop jtuktik ti lek li jol koʼontontike. Jlom krixchanoetike tskontrainik li yajtsʼaklomtak Kristoe —jech kʼuchaʼal la spasik ta skʼakʼalil li Pabloe—, akʼo mi jech, chʼanxi li sjol yoʼontonike, yuʼun xchʼunojik ti jaʼ yakal tspasik li kʼusi tskʼan yoʼonton Diose. Jaʼ yuʼun, li kʼusi mas tsots skʼoplale jaʼ ti sakuk jol koʼontontik ta sat Diose (Echos 23:1; 2 Timoteo 1:3).