Nota

b Li trato sventa yichʼel sirkunsisione mu teuk nitil skʼoplal xchiʼuk li trato la spas Dios xchiʼuk Abraane ti chʼabal lajem-o skʼoplal avie. Li trato la spas Dios xchiʼuk Abraane (o Abran) te lik talel ta sjabilal 1943 kʼalal muʼyuk toʼox talem Jesuse, jaʼo kʼalal la xtuchʼ echʼel ukʼum Eufrates sventa xbat ta Kanaane. Li vaʼ orae, 75 xa ox sjabilal li Abraane. Jaʼuk li trato sventa yichʼel sirkunsisione lik talel ta sjabilal 1919 kʼalal muʼyuk toʼox talem Jesuse, jaʼo kʼalal yichʼoj xa ox 99 jabil li Abraane (Jen. 12:1-8; 17:1, 9-14; Gal. 3:17).