Nota

a Jech kʼuchaʼal li padrenuestroe, li qaddish sventa lajelale chal ek ti akʼo yichʼ chʼultajesbel li sbi Diose. Manchuk mi mu xichʼ naʼel lek mi lik talel ta skʼakʼalil Cristo o mas voʼne xaʼox li orasion qaddish[e], mu labaluk chkaʼitik ti xkoʼolajik tajek li orasionetik taje. Li Jesuse muʼyuk oy ta yoʼonton slikesel achʼ orasion. Skotol li kʼusitik chichʼ kʼanel tee lek lokʼem talel skʼoplal li ta jvokʼ Tsʼibetik ti oy xaʼox yuʼunik li voʼneal judioetike. Ta melel, li Jesuse jaʼ xa noʼox la stijbe yoʼonton li xchiʼiltak ta judioal sventa akʼo skʼanik ti kʼusi yakal xa onoʼox tskʼanike.