Nota

a Oy Vivliaetik ti mu lekuk jelubtasbil yuʼunik li jpʼel kʼop liʼ xaʼox oy xie, vaʼun yan xa kʼusi chakʼ ta chanel. Kʼalal chal liʼ xaʼox oy xie, jlom Vivliaetike sjelubtasojik kʼuchaʼal «chital» o «chichaʼsut tal» xi, vaʼun skotol li kʼopetik taje chakʼ ta aʼiel ti ta anil chkʼot ta lokʼel li Jesuse. Manchuk mi jech, li kʼusitik laj yal Jesuse tskoltautik sventa jnaʼtik ti mu jechuk li kʼusi jecheʼ chkʼot ta chanel taje. Li Jesuse mu jaʼuk la skoʼoltas ti kʼalal kʼot li nojelal ta voʼ ta skʼakʼalil Noee, ti laj yichʼ ilel ta satile, moʼoj, li stuke jaʼ la skoʼoltas li ta «yorail cuxul to ox ti Noee» ti ijalij jayibuk kʼakʼal ti tsots skʼoplale. Jech kʼuchaʼal kʼot li ta yorail taje, ti kʼalal liʼ xaʼox li Jesuse jaʼ yorail kʼalal jaʼ yakʼoj ta yoʼontonik kʼusitik sventa balumil li krixchanoetike, ti jaʼ mu xakʼ ta yoʼontonik li kʼusi yakal ch-albatike.