Nota

b Xi chal li Levítico 19:18: «Mu me tojtoj paqueluc avuʼunic li cʼusi chapasbatique; mu me tojtoj ilineloxuc noʼox ta stojol li achiʼiltaquic ta israelale. Cʼano achiʼil jech chac cʼu chaʼal cʼux ta avoʼnton abecʼtal atu[ke]». Oy jchanubtasvanejetik ta relijion ti kʼalal «achiʼil», xie, chalik ti jaʼ la koʼol skʼan xal ti «achiʼiltaquic ta israelale», xie. Jech oxal un, chalik ti jaʼ la skʼoplal li judioetike. Li sMantal Moisese chal ti akʼo xchʼak sbaik ta stojolal jyanlumetik li j-israeletike, pe mu jechuk ichanubtasvanik li jnitvanejetik ta relijion ta baʼyel sigloe, yuʼun laj yalik ti kontrauk la xilik li buchʼutik maʼuk judioetike xchiʼuk ti akʼo spʼajike.