Nota

a Labal sba ti kʼu yelan xcholet laj yal Jesus li lokʼolkʼopetik ta sventa li senyail kʼalal mi liʼ xa ox oye. Baʼyuke, laj yalbe skʼoplal ‹li tukʼil xchiʼuk pʼijil mosoile›, jaʼ xkaltik, li uni jtsop yajtsʼaklomtak Kristo ti tʼujbilike ti jaʼ oy ta sbaik skʼelel li abtelal ta steklumal Diose (Mat. 24:45-47). Laje, laj yal li lokʼolkʼopetik ti jaʼ chalbe skʼoplal li yajtsʼaklomtak Kristo ti spatoj yoʼonton chkuxiik ta vinajele (Mat. 25:1-30). Ta slajebale, jaʼ laj yal ta sventa li buchʼutik chkuxiik ta Balumile xchiʼuk ti jaʼ tskoltaik li xchiʼiltak Kristoe (Mat. 25:31-46). Jech chkʼot ta pasel li avi eke, li albil kʼop chal Ezequiele jaʼ baʼyel chalbe skʼoplal li buchʼutik tʼujbile. Akʼo mi maʼuk chalbe skʼoplal buchʼutik chkuxiik ta balumil li lajunvokʼ nitilulal ta Israele, ti kʼu yelan la stsob sbaik yan veltae chakʼ jchantik ti kʼu yelan xil sbaik li buchʼutik liʼ chkuxiik ta Balumile xchiʼuk li buchʼutik tʼujbile.